Aham Khabrain
Har Khabr - Bar Waqt

قصور میں مظاہرین کی ہلاکت، شہباز شریف اور رانا ثنااللہ کیخلاف مقدمے کی درخواست

37

لاہور(اہم خبریں آن لائن ) قصور میں پولیس فائرنگ سے دو افراد کی ہلاکت کا مقدمہ وزیراعلیٰ پنجاب شہباز شریف اور صوبائی وزیر قانون رانا ثنااللہ کے خلاف درج کرنے کے لیے سیشن کورٹ میں درخواست دائر کر دی گئی۔

قصور میں 7 سالہ ننھی زینب کے ساتھ زیادتی اور بہیمانہ قتل کے خلاف احتجاج کے دوران شہریوں پر پنجاب پولیس نے گولیاں برسا دیں جس کے باعث دو بے گناہ مظاہرین اپنی جان سے ہاتھ دھو بیٹھے۔

پاکستان تحریک انصاف کی رہنما تنزیلہ عمران نے لاہور کی سیشن کورٹ میں درخواست دائر کرتے ہوئے استدعا کی کہ قصور میں احتجاج کے دوران مظاہرین پر پولیس نے وزیر اعلیٰ پنجاب شہبازشریف اور وزیر قانون رانا ثنا اللہ کے ایما پر فائرنگ کی جس کے باعث دو افراد جاں بحق ہو گئے۔


کراچی: لنڈی کوتل چورنگی کےقریب فائرنگ‘ پولیس اہلکارجاں بحق


انہوں نے موقف اختیار کرتے ہوئے کہا کہ عدالت شہباز شریف اور رانا ثنا اللہ کے خلاف قتل اور دہشتگردی کی دفعات کے تحت مقدمہ درج کرنے کا حکم دے۔

یاد رہے کہ سات سالہ ننھی اور معصوم زینب کے ساتھ زیادتی اور قتل کے خلاف قصور کے رہائشیوں نے احتجاج کیا تھا جس کے دوران پنجاب پولیس نے مظاہرین پر گولیاں برسا دی تھیں جس کے باعث دو افراد اپنی جان سے ہاتھ دھو بیٹھے تھے۔

Comments are closed, but trackbacks and pingbacks are open.